आइतवार, साउन ४, २०८२
काभ्रे : नेकपा काभ्रे (ओली समूह)ले १० औँ जिल्ला अधिवेशन गर्न आयोजक कमिटी गठन गरेको छ । आज बसेको विस्तारित बैठकले जिल्ला अधिवेशन अयोजना गर्नका लागि ६९९ सदस्यीय जिल्ला कमिटी गठन गरेको हो ।
साविकको जिल्ला कमिटी १२४ सहित ६९९ आयोजक समिति गठन भएको हो । ७२ जना अझै मनोनित गर्न बाँकी रहेको ओली समूहको जिल्ला कमिटी सदस्य प्रकाश रोक्काले जानकारी दिए ।
https://www.youtube.com/watch?v=7AGNpo1NmY8&t=157s
यसअघिको बैठकले नेकपा काभ्रे (ओली समूह) को जिल्ला अध्यक्षमा अशोक कुमार ब्याञ्जु र सचिवमा नारायण पाण्डे चयन भएका थिए । आजको विस्तारित बैठकमा पूर्व एमाले खेमाका अधिकांश नेता कार्यकर्ता भेला भएका थिए ।
ओली समूहको विस्तारित बैठकलाई प्रभावित पार्न प्रचण्ड माधव समूहले तेमाल गाउँपालिका र पाँचखाल नगरपालिकामा अगुवा कार्यकर्ता भेला गरेका थिए । तर पनि ओली समूहको बनेपामा भएको बैठक तथा अगुवा कार्यकर्ता भेलामा उल्लेखिय नेता कार्यकर्ता भेला भएका थिए ।
