शुक्रबार, बैशाख ७, २०८१
काभ्रेमा कोरोना भाईरस बिरुद्धको खोप २२ हजार भन्दा धेरैले लगाएका छन् । स्वास्थ्य कार्यलय काभ्रेले उपलब्ध गराएको बिवरण अनुसार हिजो सम्म जिल्लामा पहिलो र दोस्रो चरणमा गरि २२ हजार ६ सय ७५ जनाले खोप लगाएका छन् ।
पहिलो चरणको खोप अभियानमा ६ हजार ७ सय ९९ जनाले खोप लागाएका थिए भने दोस्रो चरणमा हालसम्म १५ हजार ८ सय ७६ जनाले खोप लगाएका छन् । जिल्लाको १३ वटै स्थानीय तहको बिभिन्न स्थानमा तोकीएको खोप केन्द्र मार्फत ८ हजार २३ जना महिला र ७ हजार ८ सय ५३ जना पुरुषले खोप लगाएका हुन् ।
जस अनुसार बनेपा नगरपालिकामा १ हजार ९ सय ९६ जना,धुलिखेलमा २ हजार ११, पनौतीमा १ हजार ८ सय ३४,पाँचखालमा १ हजार ४ सय २९, नमोबुद्धमा १ हजार ७ सय ६, मण्डनदेउपुरमा १ हजार ३ सय १९ जनाले खोप लगाएका छन् । त्यस्तै भुम्लु गाउँपालिकामा ८ सय ५१, रोशीमा ५ सय ३९, बेथानचोकमा ६ सय ८०, तेमालमा १ हजार ६८, महाभारतमा ७ सय १०, खानीखोलामा ४ सय ३५ र चौरीदेउराली गाउँपालिकामा १ हजार २ सय ९८ जनाले खोप लगाएका छन् ।
