शनिबार, बैशाख १३, २०८२
काभ्रे, ३ बैशाख : बनेपा नगरपालिकाका विभिन्न ठाउँमा आज दिनभर विद्यूत सेवा बन्द हुने भएको छ । नेपाल विद्यूत प्राधिकरण , काभ्रे वितरण केन्द्रका अनुसार बनेपाका तीन ठाउँमा विद्यूत सेवा बन्द हुने छ ।
राम मन्दिर रातमाटेमा कभर तार तान्ने र गोदामचोकमा मर्मत कार्य हुने भएकाले कोल्डस्टोर नजिकको २ वटा १०० केभिए, प्लाइ कारखाना नजिकको २ वटा १०० केभिए, रातमाटेको २०० केभिए र गोदामचोकको २०० केभिए टान्सफर्मर मर्मत गर्नुपर्ने भएकाले विद्यूत सेवा बन्द हुने भएका हुन् ।
यी ठाउँमा विहान १०ः३० बजेदेखि बेलुका ५ बजेसम्म विद्यूत सेवा बन्द हुने नेपाल विधुत प्राधिकरण , काभ्रे वितरण केन्द्रले जनाएको छ ।
