शनिबार, भदौ २७, २०८३
काभ्रेको पनौती नगरपालिकालाई बालमैत्री स्थानीय शासन नगरपालिका घोषणा गरिएको छ । बुधबार एक समारोहका बीच पूर्व मन्त्री गोकुल बाँस्कोटाले पनौती नगरपालिकालाई जिल्लाको दोस्रो बाल मैत्री नगरपालिका घोषणा गर्नुभएको हो ।
पनौती नेपालको आठौँ र वागमती प्रदेशको चौंथौ बालमैत्री नगरपालिका बन्नेको छ । काभ्रेको सबैभन्दा पहिला धुलिखेल नगरपालिका बालमैत्री नगर घोषणा भएको थियो । बसिभिन्न सूचक पार गरेपछि नगरपालिकालाई बालमैत्री स्थानीय शासन नगरपालिका घोषणा गरिएको नगरप्रमुख भिम न्यौपानेले जानकारी दिनुभयो ।
नगरपालिकाका १२ वटै वडामा बालमैत्री संरचना र शासन हुनेछ । नगरपालिकाले आगामी आर्थिक वर्षमा पनि बालबालिकाको क्षेत्रमा बिशेष कार्यक्रम सञ्चालन गर्ने गरी नीति कार्यक्रम तथा बजेटको ब्यवस्था गरेको छ ।
