काभ्रे जिल्लाको बनेपा स्थित चारदोबाटो देखि गोदामचोकसम्म सवारी पार्किङ गरे ह्विल लक गरिने भएको छ । नगरपालिकाको ब्यस्त ठाउँ त्रिभुवनचोक देखि गोदामचोकसम्म अव्यवस्थित पार्किङ हुने क्रम बढेपछि ट्राफिक प्रहरीले अबदेखि ह्विल लक लगाउने भएको हो ।

जिल्ला ट्राफिक प्रहरी कार्यालय, बनेपा नगरपालिका र वडा नम्बर ७ का वडा अध्यक्षको रोहबरमा छलफल गरेर सो निर्णय गरिएको हो । बनेपा नगरपालिका वडा नं ७ का अध्यक्ष बर्ण शाक्य, जिल्ला ट्राफिक प्रहरी कार्यालय काभ्रेका प्रमुख प्रमिला श्रेष्ठ, समाजसेवी, यातायात व्यवसायीको सहभागितामा बसेको बैठकले भदौ १ देखि व्यवस्थित पार्किङ को निर्णय कार्यान्वयन गर्ने भएको छ पूर्वपट्टीको भागमा १५ दिन पार्किङ हुनेछ भने पश्च्चि भागमा १५ दिन हुने बैठकको निर्णयमा उल्लेख गरिएको छ।

चारदोबाटोमा पनौतीको गाडी रोक्ने र चढाउने कार्य भैरहेको थियो भने अब भदौ १ देखि गोदामचोक स्थित सहकारी भवन अघि सार्ने निर्णय समेत गरिएको ट्राफिक प्रमुख श्रेष्ठले जानकारी दिइन् ।