काभ्रे : बाह्र बर्षमा एक पटक लाग्ने मकर मेला काभ्रे जिल्लाको पनौतीमा रहेको त्रिवेणीघाटमा लाग्ने भएको छ । माघ महिनाभर लाग्ने ऐतिहासिक,धार्मिक एंव सास्कृतिक महत्वको १२ वर्षे मकर मेला १२ वर्षपछि यो वर्ष लाग्ने भएको हो ।

मेला व्यवस्थापनमा सहभागि हुन इच्छुक संघ संस्था तथा निकायको लागि पालिकाले प्रस्ताव पेश गर्न आग्रह गरेको छ ।

पनौती नगरपालिकाले आज एक सूचना जारी गर्दै मेला संचालन व्यवस्थापनमा सहभागि हुन चाहने संघसंस्था,सरकारी,गैर सरकारी निकाय,स्थानीय संघसंस्था,क्लब,दर्ता भएका समूह,सहकारी तथा विद्यालयले आफूले गर्न सक्ने कामको स्पष्ट विवरण उपलब्ध गराउन भनेको छ ।

साथै आफ्नो संस्था र संस्थाका पदाधिकारीको संक्षिप्त परिचय सहित कार्तिक २० गतेसम्म नगरपालिकाको प्रशासन शाखामा उपलब्ध गराउन आग्रह गरेको छ ।