नेपाली काँग्रेस काभ्रेका यूवा नेता गणेश लामा महाधिवेशन प्रतिनिधिमा निर्वाचित हुनुभएको छ ।

काभ्रे क्षेत्र नं १ बाट केन्द्रिय महाधिवेशन प्रतिनिधिमा विजयी हुनुभएको छ । नेपाली काँग्रेसको १४ औँ महाधिवेशन अन्तर्गत हिजो क्षेत्रिय अधिवेशन भएको थियो ।

काभ्रे क्षेत्र नं १ बाट केन्द्रीय महाधिवेशन प्रतिनिधिमा लामा ८०२ प्राप्त गरि निर्वाचित हुनुभएको हो । उहाँले खुल्ला तर्फबाट प्रतिनिधिका लागि उम्मेरदवारी दिनुभएको थियो ।

हिजो भएको निर्वाचनको अन्तिम मतपरिणाम आज आएको हो ।लामा कोरोना महामारीको समयमा जिल्लामा निकै सक्रिय भएर लाग्नुभएको थियो ।

पछिल्लो समयका यूवाको ढुकढुकी बन्नुभएको नेता लामाले कोरोना महामारीको समयमा गाउँ गाउँमा पुगेर अक्सिजन सिलिण्डर लगायत स्वास्थ्य सामाग्री वितरण गर्नुभएको थियो ।