शनिबार, अशोज १९, २०८१
काभ्रे काँग्रेसको जारी मत गणनामा तीर्थ लामाले आफ्नो अग्रता थप फराजिकलो पार्दे लागेका छन् ।
हालसम्म कुल खसेको मत मध्ये १ हजार २ सय ६३ मत गनिसक्दा सभापतिमा शिव हुमागाईं समूहबाट तीर्थ लामाले ८ सय ६९ मतले आफ्नो अग्रतालाई कायमै राखेका हुन् । मत गणनाको सुरुदेखि नै लामाले अग्रता लिइरहेका थियो ।
यता मधु आचार्य समूहबाट सभापतिमा उठेका अच्युत प्रसाद पौडेलले भने ३ सय ६४ मतका साथ तीर्थ लामालाइ पछाई रहेका छन् ।
उपसभापता तीर्थ प्यानलको ठाकुर प्रसाद न्यौपानेको ७३३ मत र रमेश प्रसाद हुमागाईंको ८३३ मत रहेको छ । मधु आचार्य प्यानलका उपसभापति गोविन्द बहादुर थापाको ३४६ मत, शंकरदास लामा (राजु) को ३०८ मत रहेका छ भने उपसभापतिको स्वतन्त्र उम्मेदवार देवराज लामाको १२३ मत रहेको छ ।
सचिबमा तीर्थ प्यानलका गुणराज मुक्तानको ७६४ मत र माधव प्रसाद ढकालको ७७२ मत रहेको छ । मधु आचार्य प्यानलका कमल बहादुर तामाङ ३७६ मत र दिनेश भुर्तेलको ३९१ मत छ ।
सहसचिबमा तीर्थ लामा समूहका रमीर ब्याञ्जु श्रेष्ठको ८१७ मत र रबिन्द्रनाथ सिग्देलको ७६६ मत रहेको छ । मधु आचार्य प्यानलका बिनोद गौतमको ३२९ मत र रञ्जीव श्रेष्ठको ३९७ मत रहेको छ । आज दिनभरमा सबै मतपरिणाम आईसक्ने बताईएको छ ।
