नेपाली काँग्रेस काभ्रेले आजबाट “घर घर जाउँ, काँग्रेस जिताऔं” अभियान सुरु गरेको छ ।

बनेपामा एक कार्यक्रमका बीच काँग्रेसले उक्त अभियान सुरु गरेको हो । नेपाली काँग्रेसका प्रवक्ता प्रकाशशरण महतले अभियानको उद्घाटन गरेका हुन् ।

केन्द्रिय प्रतिनिधी उर्मिला के.सीको विशिष्ट आतिथ्यतामा भएको कार्यक्रममा १३५ वडाका पदाधिकारी, पालिका, क्षेत्र, प्रतिनिधिसभा, जिल्ला कार्यसमिति, महासमिति सदस्य, महाधिबेशन प्रतिनिधि, भातृ तथा शुभेच्छुक संघ संस्थाका प्रतिनिधि लगायतको उपस्थिती रहेको थियो ।

उक्त अभियानका लागि नेपाली काँग्रेस काभ्रेले १३५ वटै वडामा जिल्ला प्रतिनिधि पठाउने निर्णय पनि गरेको छ । जिल्ला सदस्य तथा पूर्व जिल्ला सदस्यले एक महिना भर उक्त वडाका घरघर र टोलटोलमा छलफल लगायत कार्यक्रम गर्ने छन ।

काँग्रेसले चैत ६ गते भित्र वडा स्तरीय भेला मार्फत “घर घर जाउँ, काँग्रेस जिताऔं” अभियान शुभारम्भ र घर घर तथा टोलटोलमा जाने योजना निर्माण गर्नुपर्ने छ ।