ब्यवसायी भोला थापाले पनौती नगरपालिकामा कांग्रेसको तर्फबाट मेयर पदमा उम्मेदवारी घोषणा गर्नुभएको छ । थापाले उम्मेदवारी घोषणा गरेर चुनावी गतिविधि समेत बढाउन सुरु गर्नुभएको छ ।

मेयरको लागि टिकट हात पार्ने विषयमा धेरेको आकांक्षी देखिए पनि पत्रकार तथा समाजसेवी एवं व्यवसायि भोला थापाको बलियो सम्भावना रहेको देखिएको छ । पनौती नगर कांग्रेसका मेयरको मुख्य दाबी पत्रकार तथा सफल व्यवसायी थापा बलियो देखिएको हो ।

थापा व्यवसायी, सामाजिक र राजनीतिक क्षेत्रमा नै चर्चित व्यक्तित्व हुन् । थापाको आगमन नै पनौतीमा कांग्रेसको जित हुनसक्ने पनौतीवासिन्दाले बताउने गरेका छन् । थापाले टिकट ल्याउन सक्ने सम्भावनासमेत धेरै देखिन्छ । यसबाहेक नगर समितिका सभापति रामशरण भण्डारी पनि दाबेदार हुन् ।

गत निर्वाचनमा समेत पनौतीमा कांग्रेसको राम्रो उपस्थिति रहेको थियो । गत निर्वाचनमा एमालेबाट मेयर र उपमेयर निर्वाचित भएता पनि १२ वटा वटामध्ये ६ वटा वडामा नेपाली कांग्रेस निर्वाचित भएका थिए । जसमा ६, ७, ८, ९, १०, ११ नम्बर वडा रहेको छ । मेयर भिम न्यौपानेको राम्रो प्रभाव रहेको पनौतीमा यसपटक कांग्रेसले बाजी मार्ने सम्भावना देखिन्छ ।

न्यौपानेले कृषि सम्बन्धि कार्य गरेर नगरवासिको मन जितेको कांग्रेस निकट नेताहरुसमेत प्रंशसा गर्ने गरेको पाईन्छ । तर, एमाले फुटको असर राम्रै देखिएको पनौतीमा कांग्रेसले उम्मेदवार विना विवाद उठाउन सकेको खण्डमा भने जीतको सुनिश्चित हुने जानकारहरु बताउँछन् ।

जहाँ टिकटको मुख्य दाबेदार भोला थापा हुन् । थापाको पनौतीमा कांग्रेसभित्र राम्रो प्रभाव देखिन्छ । यसबाहेक नगर समिति सभापति भण्डारी र हाल वडा अध्यक्ष रहेका सहकुल हुमागाई लगायतको समेत यसपटक दाबी देखिएको छ ।