काभ्रे : गए मध्यराती घरेलु हतियार प्रयोग गरि काभ्रेको रोशीमा घरधनीलाई कुटपिट गरि लुटपाट भएको छ ।

जिल्ला समन्वय समिति काभ्रेका उपप्रमुख रिमबहादुर तामाङका अनुसार काभ्रे जिल्ला रोशि गाउँपालिका वडा नम्बर ५ डुम्बल स्थित कामी सिङ्ग लामा घरमा अन्दाजी ३ जना अनुहारमा खादा बेरेको अपरिचित ब्यक्तिहरु प्रबेश गरि रड र घरेलु हतियार प्रयोग गरि कुटपिट गरी सुन र नगद लुटेर भागेको हुन् ।

भाग्ने क्रममा संकास्पद ब्यक्ती रोशी गाउँपालिका वडा नम्बर ६ नवल घर भएका बुद्ध घिसिङ र रोशि गाउपालिका वडा नम्बर ८ खार्पाचोक घर बताउने २ जनालाई उनीहरुले प्रयोग गरेको मोटरसाइकल र स्कुटर समेत स्थानीयहरुले घेराहाली समाइ प्रहरी चौकी कटुन्जेबेशिलाई जिम्मा लगाएको तामाङले जानकारी दिए ।

टाउकोमा घाउ भएका घाइते लामाको उपचार भैरहेको छ । अन्य विवरण आउन बाँकी छ ।