काभ्रे । काभ्रे विपि राजमार्ग अन्तर्गत आज विहान अन्दाजी ६:४५ बजेको समयमा जिल्ला काभ्रे पनौती न.पा.५ सुन्दरबस्ति स्थित काठमाण्डौबाट रामेछाप तर्फ जादै गरेको बा ६४ प १७७२ नं. को मोटरसाईकल लाई सोही दिशा जाँदै गरेको बा.प्र. ०३-००१ ज ०२९८ नं.को ईलेक्ट्रोनिक गाडिले ठक्कर दिदा दुर्घटना भएको हो । ठक्कर दिई भाग्ने क्रममा सड्क कुनाको नालिमा खस्दा उक्त गाडिमा र मोटरसाईकलमा सवार ७ जना घाईते भएको प्रहरीले जनाएको छ ।

घाईतेलाई उपचारको लागि धुलिखेल अस्पताल पठाईएको र मोटरसाईकल र गाडी प्रहरीको नियन्त्रणमा रहेको प्रहरीले जनाएको छ । ईलेक्ट्रोनिक गाडिचालक पनौती न.पा. ५ बस्ने बर्ष ४१ को उपेन्द्र थापा जि.प्र.का.काभ्रेको नियन्त्रणमा रहेको प्रहरीले जनकारी दिएको हो ।

घाईते मध्यको रामेछाप मन्थली न.पा. १२ बस्ने अं. बर्ष २० की रमिला बुढाथोकी अवस्था गम्भिर रहेको र धुलिखेल अस्पतालमा उपचार हुदै गर्दा विहान ७:३५ बजे अस्पतालका डा.ले मृत घोषणा गरेको प्रहरीले जानकारी दिएको हो ।

जसमा घाईतेहरुमा रामेछाप जिल्ला वडा नं. १ बस्ने अन्दाजी बर्ष २३ की पुष्पा तामाङको टाउकोमा चोट अवस्था सामान्य रहेको र सोही जिल्ला लिखुतामाकोसी गा.पा. ६ बस्ने अन्दाजी बर्ष ५१ को टंक प्रसाद दाहाल दाहिने कुम र टाउकामा सामन्य चोट रहेको र सङै मोटरसाईकल चालक ईलाम जिल्ला थाकथुम गाउपालिका वडा न ३ बस्ने अन्दाजी बर्ष ४० को राम कु. राई ढाडमा चोट अवस्था सामान्य रहेको सङै मोटरसाईकलको पछाडी सवार निजकै श्रीमती बर्ष ३९ की प्रविशा सुनुवार देब्रे खुट्टामा चोट रहेको प्रहरीले जनाएको छ ।

घाईते सबैको उपचार हुँदै गरेको जानकारी प्रहरीले गराएको छ ।