काभ्रे। काभ्रेमा प्रहरीलाई घुस दिन खोज्नेलाई प्रहरीले नियन्त्रणमा लिएको छ ।

धुलिखेल नगरपालिका वडा नं. ११ काभ्रेभन्ज्याङमा स्कुटीलाई चेकिङको क्रममा सवारी चालक अनुमति पत्र माग्दा बिलबुक भित्र एक हजार राखी डिउटीमा खटिएको प्रहरी कर्मचारीलाई आर्थिक प्रलोभन देखाउन खोज्ने रोशी गाउँपालिका ८ बस्ने बर्ष ५९ को सानुकान्छा तामाङ स्कुटी सहित पक्राउ परेका हुन् ।

चेकिङको क्रममा सवारी चालक अनुमती पत्र माग्दा पटक पटक यो मेरो लाइसेन्स हो भनि बिलबुक भित्र १ हजार राखी आर्थिक प्रलोभनमा पार्न खोजेको भन्दै तामाङलाई पक्राउ गरिएको प्रहरीले जनाएको छ ।

तामाङ सहित उनको स्कुटरलाई नियन्त्रणमा लिई थप अनुसन्धानको कार्य भइरहेको प्रहरीले जनाएको छ ।