बुधबार, असार १८, २०८२
काभ्रे । काभ्रेपलाञ्चोक स्थित धुलिखेल वडा नं ११ को पात्लेखेतमा हनुमान मन्दिर निर्माण सहयोगार्थ श्रीमाद्भागवत महापुराण सप्ताह २०८० भोलिदेखि सुरु हुँदै छ ।
श्रीमाद्भागवत महापुराण सप्ताह हनुमानस्थान प्राङ्गणमा हुनेछ । विगत ४०० वर्ष देखि पुजा आरधना हुँदै आएको हनुमान् मन्दिर परिसरमा श्री हनुमान् मन्दिर संरक्षण, निर्माण समितिको आयोजनामा महापुराण सप्ताह हुन लागेको हो ।
सप्ताहमा श्रीमद्वाल्मिकी रामायण कथावाचन, विभिन्न झाँकी प्रदर्शनी तथा संगीतमय श्रीमद्महापुराण हुने आयोजक समितिले जनाएको छ ।
फागुन ११ गते देखि १७ गते सम्म सञ्चालन हुने महापुराणमा पंण्डित विनोद सापकोटा र पंण्डित मनिष शरण खनालले कथावाचन गर्नुहुने छ ।
सप्ताहको कलशयात्रा भोलि विहिबार हुनेछ भने हरेक दिन विहान ७:३० बजेदेखि हवन तथा पाठ परायण हुने आयोजक टिमले बताएको छ । त्यस्तै सप्ताहबाट सङ्कलन भएको रकमबाट हनुमान मन्दिर पुन निर्माण गरिने योजना रहेको छ आयोजक समितिले जनाएको छ।
