मङ्लबार, असार १७, २०८२
निर्मम तरिकाबाट रुखमा तारले बाँधेर जलाइएको अवस्थामा एक पुरुषको शव भेटिएको छ ।
काभ्रेपलाञ्चोक जिल्ला पाँचखाल नगरपालिका– ४ फेदी र जिरोकिलोको बिच भागमा पर्ने ठाउँमा एक रुखमा पुरुषलाई बाँधेर आगो लगाइएको अवस्थामा शव फेला परेको स्थानीयहरुले बताएका छन् ।
पूर्णरुपमा जलेको अवस्थामा पुरुषको शव फेला परेको प्रहरी चौकी पाँचखालका प्रहरी निरीक्षक राजाराम खतिवडाले जानकारी दिए ।
खतिवडाका अनुसार शवको मुख र छातीमा तारले बाँधेको र रुखमा बाँधेर जलाइको अवस्थामा शव फेला परेको हो । शवको पहिचान हुन सकेको छैन । उनले अनुसार सो शव कुनै पुरुषको रहेको र उमेर २५ वर्षभन्दा कम जस्तो देखिएको उल्लेख गरे ।
शवको प्रकृति हेर्दा घटना ५–६ दिन अघिको हुन सक्ने अनुमान गरिएको छ । घटनास्थलमा तालिमप्राप्त कुकुरसहितको प्रहरीको अनुसन्धान टोली पुग्दै गरेको प्रहरीले जनाएको छ । ।
