आइतवार, असार ९, २०८१
काठमाडौं । सीता एयरको जहाजले ठक्कर दिँदा एक कर्मचारी घाइते भएका छन् ।
विमानस्थलमा जहाज उडानको संकेत गराइरहेका जहाजकै स्टेशन प्रमुख धिरेन्द्र भामलाई विमानले ठक्कर दिएको हो । ठक्करबाट उनको टाउकोमा चोट लागेको छ ।
बिहीबार दिउँसो नेपालगञ्जबाट यात्रु लिएर रारा विमानस्थल पुगेको सीता एयरको टुइनअटर जहाजले भामलाई ठक्कर दिएको प्रहरीले जनाएको छ ।
विमानका चालकले बोलाएपछि जहाजतर्फ जाँदै गर्दा जहाज गुड्ने क्रममा अघिल्लो भागले भामलाई ठक्कर दिएको हो । घाइते भामलाई सीता एयरकै जहाजबाट उपचारको लागि नेपालगञ्ज लगिएको छ ।
