सोमवार, भदौ २४, २०८१
काठमाडौं । प्रधानमन्त्री केपी ओली चढेको हेलिकप्टर काभ्रेको धुलिखेल पुगेर बिग्रिएको छ ।
काठमाडौं विश्वविद्यालयको दिक्षान्त समारोहमा सहभागी हुन धुलिखेल पुगेका प्रधानमन्त्री ओली चढेको हेलिकप्टर बिग्रिएको हो ।
दिक्षान्त समारोहमा सहभागी हुन एनए ०६७ कलसाइनको हेलिकप्टरमा प्रधानमन्त्री काभ्रे पुगेका थिए । त्यहाँ पुगेपछि सो हेलिकप्टर बिग्रिएपछि प्रधानमन्त्री ओली धुलिखेल अस्पतालको हेलि प्याडबाट नेपाली सेनाको NA-038 नम्बरको हेलि द्रारा काठमाडौ फर्किसकेका छन् ।
धुलिखेलस्थित काठमाडौं विश्वविद्यालयको २९ औं दिक्षान्त समारोह शुक्रबार आयोजना हुँदैछ । सोही कार्यक्रममा सहभागी हुन प्रधानमन्त्री ओली काभ्रे पुगेका थिए ।
काठमाडौंबाट गएको नेपाली सेनाको अर्को हेलिकप्टरमा प्रधानमन्त्री ओली धुलिखेलबाट फर्किसकेका छन् ।
