काठमाडौँको प्रदर्शनीमार्गस्थित  रत्नराज्य लक्ष्मी क्याम्पस (आरआर)मा आज स्वतन्त्र विद्यार्थी युनियन (स्ववियु)को निर्वाचन सम्पन्न भएको छ । आठ वर्षपछि यहाँ स्ववियु निर्वाचन भएको हो ।
अनेरास्ववियुका अध्यक्षका उम्मेदवार तपेन्द्रबहादुर शाहीले ६९९ मतसहित जित हासिल गरेका हुन् । निर्वाचित शाही अनेरास्ववियूका केन्द्रीय सदस्य पनि हुन् । उनका प्रतिस्पर्धी नेपाल विद्यार्थी सङ्घबाट उत्तमबहादुर साउदले ३६७ मत प्राप्त गरे । निर्वाचनमा एमालेको भातृ संगठन अखिलले सिंगो प्यानलसहित भारी मतका साथ जित हासिल गरेको छ ।
निर्वाचनमा कुल मतदाता तीन हजार ५८१ मध्ये एक हजार २७६ मतदाताले  मतदान गरेका थिए । दुईपटक स्थगित भएको निर्वाचनको मतदान बिहान ८ देखि साँझ ५ बजेसम्म भएको थियो ।
निर्वाचन गराउन ठूलो मात्रामा नेपाल प्रहरी र सशस्त्र प्रहरी परिचालन गरिएको थियो ।
साँझ ६ बजेबाट छ स्थानमा मतगणना भइरहेको छ । तीन घन्टाभित्र निर्वाचन परिणाम घोषणा गर्ने तयारी रहेको छ ।