नेपाली हास्यकलाकार विल्सन विक्रम राई अभिनित पहिलो बलीउड फिल्म ‘बोरीवली का ब्रूश ली’को टीजर सार्वजनिक भएको छ । सार्वजनिक टीजरभरी विल्सन विक्रम राई मज्जैले छाएका छन् । विल्सनसँगै टीजरमा बलीउड अभिनेत्री आयशा टाकिया लगायतका कलाकारहरुलाई पनि देख्न सकिन्छ । टीजरमा विल्सन विश्व प्रख्यात चीनी हांगकांग अभिनेता ब्रूस ली जस्तो मार्शल आर्ट सिक्न खोजिरहेको छन् । उनको टीजरमा देखिएको फन्नी लुक्सले तपाईहरुको ध्यान खिच्न सक्छ ।
यो फिल्ममा सुप्रिया पिलजंकर, नील भुपालान, राजश्री देशपाण्डे लगायतका कलाकारहरु पनि मुख्य भूमिका रहेको छ । खबरका अनुसार, १५ सिनका लागि यो फिल्ममा अनुबन्धित भएका विल्सनले प्रत्येक सीन आयशासँग मात्र दिएका छन् । फिल्मलाई आशूतोष वाराङले निर्देशन गरेका हुन् । फिल्मको रिलिज डेट भने फाइनल गरिएको छैन् । बताइदिउँ कि विल्सन विक्रम राई अभिनित नेपाली फिल्म ‘रातो घर’ यही जेष्ठ १९ गतेबाट रिलिज हुँदैछ ।