काभ्रे, १८ भदौँः काभ्रेका १११ जना कोरोना संक्रमित आइसोलेसनबाट घर फर्किएका छन् । स्वास्थ्य कार्यालय काभ्रेको प्रमुख डाक्टर नरेन्द्र कुमार झाका अनुसार आजसम्ममा १ सय ११ जना कोरोना संक्रमित निको भएर घर फर्किएका हुन् ।

हालसम्म जिल्लामा कोरोना संक्रमितको संख्या २९४ जना पुगेको छ । बिहीबार मात्रै काभ्रेमा ६ जनामा कोरोना संक्रमण पुष्टि भएको छ । जसमा धुलिखेल नगरपालिकाका १ महिला सहित ३ जना पुरुष छन् । त्यसैगरी पनौती नगरपालिकाका २ जना महिला र पाँचखाल स्थित सशस्त्र प्रहरी बल नेपाल १५ नम्बर गणमा कार्यरत दुईजना पुरुषमा पनि कोरोना संक्रमण पुष्टि भएको छ ।

जिल्लाका १ सय ८१ जना विभिन्न आइसोलेसनमा रहेका छन् । त्यस्तै काभ्रे स्थायी ठेगाना भई ७ जना काठमाण्डौका विभिन्न आइसोसेलन र ४ जना होम क्वारेन्टाइनमा रहेको स्वास्थ्य कार्यालयका प्रमुख डाक्टर झाले बताउनुभयो ।