बुधबार, असार १८, २०८२
काभ्रेको कोलाँतीभुम्लुमा पहिरोले एक घर पुरेको छ । पहिरोले जनता माध्यामिक विद्यालयको आगँन खस्दा हरिराम नेपालीको घर पुरेको विद्यालय ब्यवस्थापन समितिका अध्यक्ष क्रान्ति लामाले जानकारी दिनुभयो ।
नेपालीको परिवारलाई विद्यालय भवनमा सारिएको छ । जनता माध्यामिक विद्यालयको दुई तले १० कोठे पुरानो भवनको आगँन तलबाट पहिरोले तानेको हो । पहिरोले करोडौं खर्च गरेर निर्माण गरिएको विद्यालय भवन उच्च जोखिममा परेको अध्यक्ष लामाले बताउनुभयो ।
विब्यस अध्यक्ष लामाले छिटोभन्दा छिटो गाउँपालिका, प्रदेश सरकार र संघीय सरकारलाई अनुमान गरेर विद्यालयको संरक्षण गरिदिन आग्रह गर्नुभयो । त्यस्तै पहिरोले पुरेको हरेराम नेपालीको परिवारलाई सुरक्षित बासस्थानको ब्यवस्थापन गर्न समेत अध्यक्ष लामाले माग गर्नुभयो ।
