बन्ने भयो एक सय टहरा 

काठमाडौँ, १२ भदौ । यस अगाडि सडक तथा अस्पतालमा भेटिएका वेवारिसे लाशहरुको व्यवस्थापन तथा वेवारिसे व्यक्तिहरुको समेत उद्धार गर्दै आइरहेको उनी र उनको संस्था एक्सन फर सोसल चेन्जका प्रतिनिधिहरु अहिले सप्तरी जिल्लाको कोशी ब्यारेजबाट पश्चिम तर्फ रहेको भिट गाउको बाढी पीडितहरुको बस्तिमा पुगेका छन् । र सबैको समचालाई जानकारी गराउदै बिनयले भने १३०० जनसंख्या भएको उप्ता गाउमा झन्डै आधा जनसंख्या हाल बिरामी छन् ।

तर बिरामीको उपचार गराउन डाक्टर छैनन् र महिला पानीमै डुबेर बच्मिएको पनि देखिको l हामीले हाल भारत बाट केहि त्रिपाल ल्याएर अस्थाई बसोबासका लाई बास र त्रिपाल प्रयोग गरेर अस्थाई टहरहरु बनाई रहेका छौँ l मानिस खान नपाएर भुजिया पानीले भिजाएर नुन छर्किदै खान बाध्य छ। बिरामीका लागि हामीले हाल भक्तपुरमा रहेको मध्यपुर अस्पतालका बिष्णु राजा कार्कीको टोलीलाई हामीले बोलाएका छौँ ।

सामाजिक सेवा गरे भन्दै पीडितहरुको बस्तिमा पुगेर एक पोका चाउचाउ र एउटा कपडा दिएर फेसबुकमा फोटो हाल्ने धन्दा मौलाइरहेको समयमा उनी र उनको संस्था साच्चैको हृदयदेखि नै पीडामा डुबेकाहरुको आशु पुच्छन तल्लीन छन । उनी अध्यक्ष रहेको एक्सन फर सोसल चेन्जका अध्यक्ष बस्नेतका साथमा पवित्रा लामा,दीपेश श्रेष्ठका साथै मोतेश्वर युवा क्लवका प्रतिनिधिहरु अहिले भिट गाँउमा रहेका बाढी पीडितहरुको मुहारमा हाँसो भर्ने प्रयास गर्दैछन ।

यी दुई संस्थाहरुको सहकार्यमा त्यहाँ रहेका २१० घरधुरीका झण्डै तेह्र सय नागरिकको दुखमा साथ दिन लागि परेका छन् । सोसल चेन्ज आफैले उठाएको राहत सामाग्री लताकपडाका साथमा महालक्ष्मी नगरपालिका टिकाथली साविक ४ वडामा संकलन गरेको १५ बोराभन्दा बढी लत्ताकपडा र नगद रु ३२ हजार नगद रकम बोकेर उनीहरु त्यहाँ पुगेका हुन । मोतेश्वर यूवा क्लवका साथमा मोतेश्वर रामायण भजन मण्डली र पैनाचल रामायण भजन मण्डलीको संयुक्त प्रयासमा राहत सकंलन गरिएको हो ।

संस्थाले सो वाढी पीडितहरुको बस्तिमा पुगी राहत मात्र वितरण गर्न नभई त्यहाँ कम्तीमा एक सयका हाराहारीमा टहरा बनाउने भएको छ । त्यहाँ टहरो बनाई बाढी पीडितहरुका लागि अस्थायी बसोबासको व्यवस्था समेत मिलाउने एक्सन फर सोसल चेन्जका अध्यक्ष विनयजंग बस्नेतको समूहको तयारी छ । उनीहरुले त्यहाँ बाढी पीडितहरुका लागि राहतका सामाग्रीहरु कपडा,खाने तेल, चामल,जुस लगायतका सर सामाग्रीहरु वितवरण गरी ती पीडितहरुको मुहारमा थोरै भए पनि बढी पिढीतको घाउमा मलम लगाउने जमर्को गरेका छन ।

त्यहाँबाट हामीसँग कुराकानी गर्दै अध्यक्ष बस्नेतले भने आधा मान्छे विरामी,आधा हिड्न सक्छन ,आधा नागां अवस्थामा छन । तिनीहरुको जिउमा कपडा पार्ने काम एक्सन फर सोसल चेन्जले गरेको छ । झण्डै तेह्र सय बढी जनसंख्या बसोबास भएको यो क्षेत्रमा अरु कुनै संघ संस्था पुगेका छैनन । अधिकाशं दलित मुसहर,डुम जातिको बसोबास रहेको यो क्षेत्रमा रहेका व्यक्तिहरुको मुहारमा उज्यालो भरेर राजधानी फर्किने सो संस्थाको योजना छ ।

जसरी वेवारिसे लाशहरुको सदगद् गर्नुपर्ने जिम्बा राज्यको हो । यो गहु्रगो जिम्बेबारी आफ्नै काँधमा बोकेर हिडिरहेका विनयजंगहरु अहिले तराईमा बाढी पीडितहरुको बस्ति बनाउन ऋण गरेरै भए पनि त्यहाँ पुगेका छन । वाढी पीडितहरुको बस्ति बनाइदिने दायित्व एउटा व्यक्तिको नभएर सरकारको हुनुपर्ने हो । तर सत्ता र शक्तिको वरपर घुमेको हाम्रा शासकहरुलाई जनताको दुख र पीडासँग के को सरोकार ? उनीहरु आफ्नै शाखा सन्तानका लागि अकुत कमाउनमा व्यस्त छन । उता जनता पीडामा गुज्रिरहेका छन ।

यस्तो शासकहरु भएका राज्यमा विनयजंग जस्ता समाजसेवीहरु मनैदेखि यो सत्कर्ममा होमिएका छन । राज्यले उप्ता गाउलाई बिशेष प्रभावित क्षेत्र भनेर घोषणा गरेता पनि हाल सम्म राज्यको तर्फ बाट त्यहाका स्थानीयबासीले कुनै पनि राहात र सहयोग नपाएको गुनासो बिनयले हामीले जानकारी दिए l राज्य प्रभावित क्षेत्र घोसणा मात्र गरेर पिढीतले न्याय पाउदैन l प्रभावित क्षेत्र र त्यहाका जनतालाई राहात पुर्याउन समबन्धित निकाएको ध्यान जानु अत्यन्त जरुरि देखिन्छ ।

-बिनय बस्नेतसंगको फोनबार्ता र इडिभी न्युजको सहयोमा