गजल
केही नभएकासँग के हुन्छ? लाचार हुन्छ।
हुनेहरुसँग त अलिकति अहङ्कार हुन्छ ।।
रक्सीको दोकान गर्नेलाई इज्जतको के वास्ता ?
राख्छन् दोकानमा तरुनी छोरी व्यपार हुन्छ ।।
“सावित्रीको बाख्रो“ कथा पढेर यत्ति ज्ञान भयो ।
प्रयोजन हुँदासम्म स्याहार हुन्छ, सुसार हुन्छ ।
रुप, धन र बलको अहिले के फूर्ति लगाउँनु ?
आखिर सबैको शरीर खरानी हुन्छ, अङ्गार हुन्छ ।
तिमी पो पर्ख भनेपछि दोबाटो मै पर्खन्छौ
ऊ पराई हो, पराइलाई पर्ख भन्नु बेकार हुन्छ ?
बुलन्द आवाज
थाक्रे २, धादिङ