आईसीसी विश्वकप क्रिकेटमा दक्षिण अफ्रिकाले न्यूजिल्याण्डलाई २४२ रनको लक्ष्य दिएको छ । पानी परेपछि १ ओभर छोट्याएर ४९ ओभरमा झारिएको खेलमा टस हारेर पहिले ब्याटिङ गरेका अफ्रिकाले ६ विकेट गुमाएर २४१ रन बनाएको हो ।
दक्षिण अफ्रिकाका लागि रसी भान डेर डुसेनले सर्वाधिक नट आउट ६७ रन बनाउँदा हसिम अमलाले ५५ रन जोडे । एडिन मक्रमले ३८ रन बनाउँदा डेभिड मिलरले ३६ रनको योगदान गरे ।
बलिङतर्फ न्यूजिल्याण्डका लागि लकी फर्गुशनले ३ विकेट लिए । जारी प्रतियोगितामा अफगानिस्तानलाई मात्रै पराजित गरेको अफ्रिकाले बुधबारको खेल जित्नै पर्ने दबाब रहेको छ ।
