सबैको समाचार
शुक्रबार, चैत्र १६, २०८०
  • होमपेज
  • पाँचखालका कोरोना संक्रमित क्वारेन्टाइन बसेर घर फर्के पछि मात्र कोरोना संक्रमण पुष्टि

पाँचखालका कोरोना संक्रमित क्वारेन्टाइन बसेर घर फर्के पछि मात्र कोरोना संक्रमण पुष्टि

सिँगो गाउँ नै त्रासमा

4260
Shares
पाँचखालका कोरोना संक्रमित क्वारेन्टाइन बसेर घर फर्के पछि मात्र कोरोना संक्रमण पुष्टि

धुलिखेल, २३ जेठः भारतबाट आएका पाँचखालका कोरोना संक्रमितलाई नगरपालिकाले नै रिपोर्ट नेगेटिभ आएको भन्दै घर पठाएको पाइएको छ । ११ दिनसम्म क्वारेन्टाइनमा बसेका उनलाई रिपोर्ट नेगेटिभ रहेको भन्दै घर पाइएको हो । तर घर पुगेको १६ घण्टा बित्न नपाउँदै कोरोना संक्रमित रिपोर्ट आयो ।

ती संक्रमितको बुधबार स्वाब संकलन गरेर धुलिखेल अस्पतालको कोरोना प्रयोगशालामा पीसीआर परीक्षणका लागि पठाइएको थियो । स्वास्थ्य संयोजक उज्जवल अधिकारीले जिल्ला स्वास्थ्य कार्यालयमा फोन गरे । काभ्रे अहिलेसम्म पनि संक्रमण मुक्त छ भन्ने खबर पाए । त्यसैको आधारमा उनले संक्रमितलाई घर पठाए । प्राथमिक स्वास्थ्य केन्द्रले उच्च ज्वरो भएको बिरामीलाई क्वारेन्टाइनमा राख्न पठाएपछि स्वास्थ्य संयोजक अधिकारीले जिल्लामा फोन गरेका थिए ।

संक्रमित सहित भारतबाटै आएका अन्य दुई जना पनि समाज कल्याण आधारभूत विद्यालयको क्वारेन्टाइनमा बसेका छन । क्वारेन्टाइन र संक्रमितको घर बढीमा ६ सय मिटर टाढा छ । भारतमा हुदाँ देखिनै नगरपालिकाको सम्पर्कमा रहेका ३९ वर्षीय ती पुरुषलाई ११ दिन अघि राति १२ बजेतिर क्वारेटाइनमा राखिएको थियो ।

आफुमा कोरोना नरहेको भन्दै हासि खुशी घर पुगेका ती पुरुष १६ घण्टा बित्न नपाउँदै नगरपालिकाबाट फोन गएपछि हतार हतार चिकित्सकको सम्पर्कमा पुगे । उनी सहित काभ्रे जिल्लाका ५ जना संक्रमितलाई उपचारका लागि जिल्ला कमाण्ड पोष्टले भक्तपुर पठाएको छ ।

भारतबाट आएकालाई कम्तीमा १४ दिन अनिवार्य क्वारेन्टानमा राख्नु पर्ने कोभिड संकट ब्यवस्थापन केन्द्र (सीसीएमसी) काभ्रे ले निर्णय गरिसकेको छ । तर रिपोर्ट नेगेटिभ आएको भन्दै स्वास्थ्य संयोजक अधिकारीले ११ औँ दिनमै ती पुरुषलाई घर पठाइ दिए । ती पुरुष घरमा पुगेपछि कोरोना देखियो ।

अहिले ती संक्रमित पुरुषका परिवारका दुई छोरा र श्रीमतीलाई क्वारेन्टाइनमा राखिएको छ । संक्रमित पुरुषका घर परिवारका सदस्यहरुको पनि स्वाब संकलन गरेर पीसीआर विधि मार्फत कोरोना परीक्षण गरिने स्वास्थ्य संयोजक अधिकारीले बताए ।

घर पुगिसकेका ब्यक्तिमा कोरोना देखिएपछि स्थानीय भने निकै त्रसित बनेका छन् । नगरपालिकाले आधिकारी सूचनालाई विश्वास नगरि घर पठाउँदा गाउँमा त्रास छाएको स्थानीय रमेश गिरीले बताए । ‘एकदुई दिन क्वारेन्टाइनमा राखिदिएको भए केहि फरक पर्ने थिएन, उनले भने ‘तर अहिले सिँगो गाउँ नै त्रासमा छ, अब उनका परिवारको रिपोर्ट के आउने हो ?’

4260
Shares

ट्रेन्डिङ