सोमवार, भदौ २९, २०८३
कभ्रे: जिल्ला समन्वय समिति काभ्रेले पीसीआर मेसिन खरिद गर्ने भएको छ । आज बसेको जिससको बोर्ड बैठकले यस्तो निर्णय गरेको प्रवक्ता प्रेम लामाले जानकारी दिनुभयो ।
जिल्ला समन्वय समितिसँग सांसदहरुको विकास योजनाको कन्टेन्जेन्सी बापतको १४ लाख रहेको र अपुग पैसा प्रदेश सरकार मार्फत ब्यबस्था गर्ने गरी मुख्य मन्त्रीको कार्यालयलाई पत्र पठाइएको प्रवक्ता लामाले बताउनुभयो । त्यस्तै पीसीआर मेसिन खरिदका लागि अनुमति समेत मागिएको छ ।
जिल्लामा दुईवटा पीसीआर प्रयोगशाला छ । स्वाब धेरै ठाउँबाट आउदा रिपोर्ट पाउन एकहप्तासम्म कुर्नुपर्ने अवस्था । जिससले पीसीआर मेसिन धुलिखेल अस्पताललाई दिने निर्णय समेत गरेको छ ।
जिससको बोर्ड बैठकले कोरोना संक्रमणबाट मृत्यु भएकाको शव ब्यवस्थापन गर्न शव वाहनको जतिसक्दो छिटो उपलब्ध गराइदिन मुख्य मन्त्रीको कार्यालयलाई पत्र पठाएको छ । जिल्लामा अहिले एउटा मात्रै शव वाहन छ ।
