काभ्रेको धुलिखेल नगरपालिका वडा नं. ८ बस्ने बर्ष २३ को जयराम चौलागाई पक्राउ परेका हुन् । मिति २०७८-०३-०५ गते अन्दाजी १० बजे बाट धुलिखेल नगरपालिका वडा नं. ८ घर भएकी बर्ष १५ की बालिका सम्पर्क बिहिन भए पछि सोहि दिन उनको आमाले खोजि दिन आग्रह गर्दै काभ्रे जिल्ला प्रहरी कार्यलय धुलिखेलमा उजुरी दिएकी थिइन् ।

जिल्ला प्रहरी कार्यालय धुलिखेलमा दिएको निबेदनको आधारमा निज बालिकालाई खोजतलास गर्ने क्रममा महानगरीय प्रहरी बृत्त जनसेवा काठमाण्डौबाट खटिएको प्रहरी टोलीले २०७८-०३-०६ गते काठमाण्डौ सुन्धारामा निज हराएकी बालिका खोजतलासको क्रममा फेला पारेको हो ।

चौलागाइले मिति २०७८-०३-०५ गते फकाएर लिएर गई भक्तपुर जिल्ला भक्तपुर नगरपालिका वडा नं. ४ स्थित गेष्ट हाउसमा खाजा नास्ता खाने बाहानामा लगी ललाई फकाई डर धाक धम्की दिई जबरजस्ती करणी गरेको भनी पीडित बालिको बयानका अधारमा निज चौलागाइलाई पक्राउ गरीएको हो ।

जबरजस्ती करणी गरेको भनी पीडित बालिकाले बयान दिए पछि निजको आमाले मिति २०७८÷०३÷०६ गते महानगरीय प्रहरी वृत्त जगाती भक्तपुरमा दिएको किटानी जाहेरीको आधारमा चौलागाईलाई पक्राउ गरेको हो । चौलागाईलाई खोजतलास गर्दै जाँदा मिति २०७८÷०३÷०६ गते सुन्धारा एरिया बाट महानगरीय प्रहरी वृत्त जगाती भक्तपुरले फेला पारी पक्राउ गरीएको हो ।