सोमवार, अशोज २१, २०८१
काभ्रे प्रहरीले दुई वर्ष अघि ललितपुरबाट हराएको स्कुटर धनीलाई बुझाएको छ । २०७६ भदौ ११ गते ललितपुरको पुल्चोकबाट हराएको उक्त स्कुटर धनीलाई आज बुझाइएको जिल्ला प्रहरी कार्यालय काभ्रेले जनाएको छ ।
अस्थायी ट्राफिक प्रहरी पोष्ट पनौतीमा नियतिम चेकजाँचका क्रममा सवारी दर्ता किताब, सवारी चालक अनुमतिपत्र (लाईसेन्स) साथमा नराखी स्कुटर चलाएका एक चालकले स्कुटर छाडी फरार भएका थिए । मे.६प १३६२ नं.को स्कुटर छाडेर फरार भएपछि प्रहरीले आवश्यक अनुसन्धान थालेको थियो ।
अनुसन्धानबाट उक्त स्कुटर झापा भद्रपुर नगरपालिका ३ घर भई हाल ललितपुर सातदोबाटो बस्ने श्रीसा सुब्बाको रहेको खुलेपछि उनलाई बुझाइएको जिल्ला प्रहरी कार्यालय काभ्रेले जानकारी दियो ।
