काभ्रे काँग्रेसको जारी मत गणनामा तीर्थ लामा समूहले आफ्नो अग्रता थप फराजिकलो पार्दे लगेको छ ।

हालसम्म कुल खसेको मत मध्ये कम्तिमा १ हजार मत गनिसक्दा लामाको समूहले आफ्नो अग्रतालाई कायमै राखेको हो । मत गणनाको सुरुदेखि नै लामाको समूहले अग्रता लिइरहेको थियो ।

जिल्लामा २५ सय ४४ प्रतिनिधिमा २४ सय ६७ मत खसेको थियो । बनेपाको एक पाटी प्यालेसमा मत गणना चलिरहेको छ । सदस्यहरूको मत गणना भैरहेको हो । सदस्यहरूको मत गणना सकिएपछि मात्रै पदाधिकारीहरूको सुरू हुनेछ ।

कार्यसमिति सदस्यमा पनि तीर्थ लामा समूहले एक लौटी जीत हासिल गर्न सक्ने आंकलन गरिएको छ । अहिलेको अग्रताले तीर्थ समूह निकै खुशी छ । मधु समूह भने निराश बनेको छ ।

जिल्ला कार्य समितिको सबै पदमा शिव हुमागाई र मुध आचार्य छुट्टा छुट्टै प्यानल बनाएर चुनावी प्रतिस्पर्धामा छन् । सभापतिमा शिव समूहबाट तीर्थ लामा र मधु समूहबाट अच्युत प्रसाद पौडेल हुनुहुन्छ । पाटी प्यालेसभित्रको छुट्टा छुट्टै १० वटा ठाउँमा मतगणना भैरहेको छ ।

सुरक्षा ब्यवस्था अत्यन्तै कडा पारिएको छ । सशस्त्र र जनपथ प्र ह रीले सु र क्षा दिइरहेका छन् । पत्रकारलाई समाचार संकलनका लागि जान पासको ब्यवस्था गरिएको छ ।

निर्वाध रुपमा मत गणना स्थलभित्र पत्रकार प्रवेश गर्न पाउने अवस्था छैन् । मत गणना रातभरी पनि जारी रहनेछ । सम्भवतः भोली दिनभरमा अन्तिम मत परिणाम आइसक्ने बताइएको छ ।