बुधबार, असार १८, २०८२
नेपाली काँग्रेस काभ्रेका यूवा नेता गणेश लामाले केन्द्रिय सदस्यमा उम्मेरदवारी दिने भएका छन् ।
भोली देखी २७ गतेसम्म हुने नेपाली काँग्रेसको १४ औँ महाधिवेशनमा लामाले सदस्य पदमा आदिवासी जनजाती तर्फबाट उम्मेरदवारी दिने भएका हुन् ।
नेता लामा निर्वाचन क्षेत्र नम्बर १ बाट महाधिवेशन प्रतिनिधीमा पनि भारी मतले विजयी भएका थिए । उनले खुल्ला तर्फबाटमहाधिवेशन प्रतिनिधीमा उम्मेरदवारी दिएका थिए ।
यूवाहरुका ढुकढुकी बनेका नेता लामा सामाजिक कार्यमा पनि निकै सक्रिय रहदै आएका छन् । उनले को रो ना भाईरस (कोभिड १९) महामारीको समयमा पनि जिल्लामा निकै सक्रियता देखाएका थिए ।
नेता लामाले कम्युनिष्टको दबदबाले खुम्चिएको काँग्रेसलाई अझ पहिलो शक्तिशाली दलका रुपमा उठाउन सक्ने कार्यसमिती निर्माण गर्ने बताएका छन् ।
आफू केन्द्रिय सदस्य भएपछि एकाधिकारबादको हावी गराउने प्रवृति र प्रजातान्त्रिक गठन प्रणालीशून्य संगठन चलाउने नियत अब क्षम्य नहुने नेता लामाले उल्लेख गरेका छन् ।
त्यस्तो अवस्थालाई निरुत्साहित गरि पुस्तान्तरणदेखि यूवा नेतृत्वलाई प्रोत्साहन गर्ने नेता लामाले पाँच बुँदे योजनामा उल्लेख गरेका छन् । त्यस्तै यूवालाई हरेक स्थानमा पहिलो प्राथमिकता दिने उनले बताएका छन् ।
