नेकपा एमालेका अध्यक्ष केपी शर्मा ओलीले नयाँ सरकार बनेपछि बैंकहरु रित्तिएको र राज्यको ढुकुटीमा समस्या आएको आरोप लगाएका छन् । एमाले काभ्रेको जिल्ला अधिवेशनलाई सम्बोधन गर्दै ओलीले पाँच दलीय गठबन्धनलाई ‘अलक्षिण’ भन्दै उनीहरुको प्रवेशका कारण राज्यकोष रित्तिएको बताएका हुन् ।

“विगत छ महिना देखि बैंकहरुमा पैसा छैन । बैंकमा गएर जे धरौटी राखे पनि पैसा पाइँदैन,” “मान्छेहरुले भन्छन् अलक्षिण पस्यो भने यस्तो हुन्छ । ओलीले भने ।
उनले आफूले विकासको गति बढाएका कारण आत्तिएर सरकार जवजस्त ढालिएको बताए ।

ओलीले आफूले विद्रोहका स्वर बोल्न सिकेको भन्दै त्यसकै जगमा एमाले देशकै सबैभन्दा ठूलो पार्टी बनेको भन्दै आफू प्रधानमन्त्री बनेपछि देशको नारा नै परिवर्तन गरिदिएको समेत बताए ।