कपिलवस्तुका पत्रकारहरुले नेपाल पत्रकार महासघको सदस्यता नपाएको भन्दै महासघंको कपिलबस्तु शाखा कार्यालयमा ताला लगाएका छन् । कपिलवस्तुका क्रियाशील पत्रकारहरुले संयुक्त संघर्ष समिति नै गठन गरेर सदस्यता पाउनुपर्ने माग राख्दै कपिलबस्तु शाखा कार्यालयमा ताला लगाएका हो ।
महासंघले सदस्यताका लागि निर्धारण गरेको योग्यता तथा अनुभवका आधारमा दिन लागेको सदस्यता कानुनसम्बत नभई मनोमानी ढंगमा सदस्यता वितरण गरिएको आन्दोलनरत एक पत्रकारले बताए ।
कपिलवस्तुका पत्रकार बासुदेव बर्माको नेतृत्वमा संयुक्त संघर्ष समिति गठन गरिएको छ । नेपाल पत्रकार महासघ शाखा कपिलवस्तुले शुद्धीकरणको नाममा एकलौटी तरिकाले सदस्यता वितरण गरेको आरोप उनीहरुको छ ।