शनिबार, भदौ ६, २०८३
काभ्रेको बेथानचोक गाउँपालिकामा नेकपा एमालेले मत गणना स्थलमै नाराबाजी गरेका छन् । बेथानचोक गाउँपालिकाको मत गणना स्थलमा नेकपा एमालेका सर्मथकले मत गणना प्रक्रिया राम्रो नभएको भन्दै नाराबाजी गरेका हुन् ।
आफ्नो हार स्वीकार गर्न नसकेपछि उनीहरुले नाराबाजी गरेका हुन् । वडा नं १ को मत गणना सम्पन्न हुँदा वडा अध्यक्षमा नेपाली काँग्रेसका मधुसुदन तिमल्सिना सिवजयी भइसकेका छन् ।
उनले ५ सय ७ मत ल्याएर विजयी भएका हुन् । उनका प्रतिद्धन्दी एमालेका डन्ड प्रसाद तिमल्सिना ४ सय ९८ मत ल्याएका थिए ।
मत गाणना स्थलको अवस्था अहिले सामान्य रहेको बेथानचोक गाउँपालिकाका निर्वाचन अधिकृत लक्ष्मी प्रसाद रेग्मीले सबैको समाचारलाई जानकारी दिए ।
