बुधबार, असार १८, २०८२
सुर्खेत । सुर्खेतबाट कालीकोट जाँदै गरेको भे १ च २५६० नम्बरको बोलेरो जिप दुर्घटनामा चार जनाको मृत्यु भएको छ ।
दुर्घटनामा परी ज्यान गुमाएका चारमध्ये तीन जनाको सनाखत भएको छ । मृतक सबै कालीकोटका हुन् ।
बिहीबार बिहान दुई बजे ६ जना यात्रु लिएर कालीकोट आउँदै गरेको बोलेरो जिप दुर्घटना भएको जिल्ला प्रहरी कार्यालय कालीकोटका प्रहरी निरीक्षक एवम् सूचना अधिकारी पोषणा थापाले बताएकी छिन् ।
दुर्घटनामा परी कालीकोटको शुभकालिका गाउँपालिका–३ का ३७ वर्षीय वीरेन्द्र बिक, ३१ वर्षीय नवराज बिक र २१ वर्षीया पुष्पा बिकको मृत्यु भएको खुलको हो । दुर्घटनामा परी ज्यान गुमाएका अर्का एक जनाको भने सनाखत हुन बाँकी छ ।
प्रहरीका अनुसार जिप सडकबाट तीन सय मिटर तल खसेको छ । घटना केही ढिलो गरी थाहा भएकाले प्रहरी घटनास्थलमा पुगेकाले पनि मृतकको सङ्ख्या वढेको अनुमान छ ।
