प्रशंसकलाई आफ्नो बोल्ड अन्दाजमार्फत फिदा बनाउने सन्नी लियोन समय समयमा विवादमा छाउने गर्छिन् । केही दिन अघिको उनको बोल्ड अन्दाज उनको लागि समस्या बनेको छ ।
एक रिपोर्ट अनुसार सन्नी लियोनको कण्डमको विज्ञापनमाथि रिपब्लिकन पार्टी अफ इन्डियाको महिला विभागले विरोध जनाउँदै विज्ञापनमाथि प्रतिबन्ध लगाउनुपर्ने माग गरेका थिए । अब सन्नी लियोनले यसको जवाफ आफ्नै शैलीमा दिएकी छिन् ।
महिला विभागकी सेक्रेटरी शिला गांगुर्देको भनाई अनुसार सन्नी लियोनको उक्त विज्ञापन देखेर महिला निकै लज्जा महसुस गर्दछन् । उनको भनाई अनुसार यस्तो प्रकारको विज्ञापनबाट घरेलु महिलाका लागि असहज स्थिती पैदा हुने गर्दछ र परिवारसँग बसेर टिभी हेर्न पाउँदैनन् ।
सन्नी लियोनले यो आरोपमा यसको जवाफ दिँदै भनेकी छिन्, ‘भारत बारे सबैभन्दा महान कुरा यहाँको लोकतन्त्र र वाक स्वतन्त्रता । यदि मानिसहरु मेरा विरुद्ध आफ्नो आवाज उठाउन चाहन्छन् भने उठाउन सक्छन् । मानिसहरुका लागि के सही छ भन्ने बारे सरकारले यसको निर्णय गर्नेछ ।’
सन्नी थप्छिन्, ‘जतिबेला म कुनै ब्रान्डमा हस्ताक्षर गर्छु भने त्यसको नैतिक जिम्मेवारी लिन्छु । यो यस्तो प्रक्रिया हो, जसरी एउटा बच्चालाई संसारमा ल्याइन्छ । कुनै पनि जोडीले परिवारको योजना त्यतिबेला गर्दछ जब उनीहरुलाई लाग्छ कि उनीहरु बच्चाको जिम्मेवारी सम्हाल्न लायक भइसकेका छन् ।’
उनको आफू पैसाको लागि मात्र काम नगर्ने बताएकी छिन् ।