काभ्रे : काभ्रेका कोरोना भाईरसका संक्रमित मध्ये आज ३६ जना डिस्चार्ज भएका छन् भने ७ जना नयाँ संक्रमित थपिएका छन् । आज ३६ जना डिस्चार्ज भए संगै जिल्लाका २ हजार ७ सय ६७ जना भाईरस मुक्त भएको स्वास्थ्य कार्यालय काभ्रेले जनाएको छ ।

यस्तै बनेपाबाट १ पुरुष र २ महिला, नमोबुद्धबाट १ महिला र बेथानचोक गाँउपालिकाबाट ३ पुरुष गरी जिल्लामा ७ जनामा संक्रमण पुष्टि भएको छ । योसँगै जिल्लामा ३ हजार ३५जना संक्रमित भएका छन् ।

जिल्लामा अझै २ सय २९ जना सक्रिय संक्रमित छन् । उनीहरु मध्ये ८ जना अस्पताल आइसोलेसनमा र २ सय २१ जना होम आइसोलेसनमा रहेको डाक्टर झाले जानकारी दिनुभयो । यसैबिच भाईरसको संक्रमण बाट जिल्लामा थप एकको ज्यान गएको स्वास्थ्य कार्यालयले दैनिक उपलब्ध गराउने बिवरणमा उल्लेख गरिएको छ । बनेपाका ८० वर्षिय महिलाको मेडिसिटि अस्पतालमा ज्या’न गएको हो ।

ति महिलामा कार्तिक ४ गते भाईरसको संक्रमण पुष्टि भएका थियो । यो संगै भाईरसको संक्रमण बाट जिल्लाका १२ महिला र २७ पुरुष गरि ३९ जनाको ज्या’न गएको छ ।