पनौतीमा लाग्ने १२ बर्षे मकर मेलामा मानव सागर उर्लिएको छ । हिजो शनिबार र मकर मेलाको अन्तिमदिन त्रिवेणीधाम पुग्ने भक्तजनको मानव सागर देखिएको हो ।

मेला भर्न र दर्शन गर्न आएका भक्तजनको भिड अझै पनि कायमै छ । लाखौँको संख्यामा भक्तजनहरु पनौती पुगेको अनुमान गरिएको छ । हिजो शनिबार अरनिको राजमार्गको सूर्यविनायक बनेपा खण्ड र बनेपा पनौती सडक अत्यन्तै ब्यस्त थियो ।

हजारौँ भक्तजनहरु बनेपादेखि हिडेर पनौती पुगेका छन् । बनेपादेखि पनौतीसम्म ६ किलो मिटर दुरी रहेको छ । हिजो मेलाको अन्तिम दिन भएकाले पनि भक्तजनहरुको भिड थामिनसक्नु गरी उर्लिएको हो ।

ब्यवस्थापन गर्नै मुस्किल पर्ने गरी सबै जना एकैदिन मेला भर्न निस्कदाँ पनौती, बनेपा, साँगा हुँदै सूर्यविनायकसम्मको ट्राफिक ब्यवस्था अस्तब्यस्त बनेका थियो । सवारी साधनको चाप अत्याधिक भएपछि घण्टौँ जाम परेको थियो ।

बनेपा हुँदै राजधानी पूर्व जाने कयौँ सवारी साधन र त्यसमा सवार यात्रुहरुले हैरानी खेपेका थिए । कोभिडका कारण मेला सुरु हुँदा भक्तजनको भिड निकै कम थियो । त्रिवेणीधाम लगभग सुनसान जस्तै देखिन्थ्यो ।

तर मेलाको अन्तिम सातादेखि भने पनौती भरिर्दै आएको थियो ।हिजो भिड धानिनसुक्नुको थियो । यो मेला ऐतिहासिक छ । यसमा कयन पौराणिक आस्था र विश्वास जोडिएको छ । प्रत्येक १२ वर्षको माघ महिनाभर एक पटक मेला लाग्ने गर्छ ।