सर्लाही।  स्थानीय प्रशासनले सर्लाहीको बरहथवा बजार क्षेत्रमा २४ घण्टाका लागि निषेधाज्ञा जारी गरेको छ । 

अस्पताल  स्तरोन्नति गर्ने विषयलाई लिएर शुक्रबार  दिउँसो बरहथवा नगरपालिका क्षेत्रमा विरोध प्रर्दशनका कारण शान्ति सुरक्षा भंग हुन सक्ने अवस्था देखिएकाले आज बिहान ८ बजेदेखि भोलि बिहान ८ बजेसम्मका लागि निषेधाज्ञा जारी गरिएको हो ।

निषेधाज्ञा लागू भएको बरहथवा बजार क्षेत्र तथा गोली लागेर मृत्यु भएका युवकको शव रहेको ठाउँमा फेरि बिहानदेखि विस्तारै भिडभाड बढ्न थालेको छ । हिजो दिउँसो प्रहरीको गोली लागेर मृत्यु भएका युवकको शव विभिन्न माग राखेर घटनास्थलबाट उठाउन दिइएको छैन । 

स्पताल स्तरोन्नतिको माग राखेर भएको प्रदर्शनमा प्रहरीले गोली चलाउँदा हिजो दिउँसो ३ बजेतिर बरहथवा नगरपालिका–६, का अन्दाजी ३० वर्षीय जयशंकर साहको मृत्यु भएको थियो ।