मङ्लबार, असार १७, २०८२
गुल्मी । गुल्मीमा माटाको ढिस्कोले पुरिएर एक जनाको मृत्यु भएको छ भने एक जना घाइते भएका छन् ।
घर लिप्ने माटो खन्ने क्रममा रेसुङ्गा नगरपालिका–१४ कि ५५ वर्षकी बिष्णु रानाको मृत्यु भएको हो । सोही स्थानकी ५४ वर्षकी हुमकला राना घाइते भएकी छिन् ।
शनिबार दिउँसो पराल्मीस्थित चौराहामा घर लिप्नका लागि ६ जना गएका थिए । माटो खनिरहेका बेला अचानक ढिस्को खस्दा विष्णु र हुमकला पुरिएका थिए ।
घटनाबारे थप अनुसन्धानको लागि जिल्ला प्रहरी कार्यालय गुल्मीबाट प्रहरी निरीक्षक किरण सापकोटाको कमाण्डमा टोली खटिएको प्रहरीले जनाएको छ ।
