आइतवार, भदौ ७, २०८३
काभ्रेपलाञ्चोक । नेपाल पुलिस स्कुल साँगा काभ्रेपलाञ्चोकको आयोजनामा २९औं अन्तर माध्यामिक विद्यालय आइजीपी फुटबल रनिङ ट्रफी उद्घाटन भएको छ ।
प्रतियोगिताको प्रहरी अतिरिक्त महानिरीक्षक मिरा चौधरीले बुधबार रेफ्रीलाई बल हस्तान्तरण गरी उद्घामटन गर्नुभएको हो । उद्घाटनको क्रममा चौधरीले फुटबल नेपाल प्रहरीको पहिचान र इतिहाससँग जोडिएको उल्लेख गर्दै खेलकुदलाई पहिचान, गौरव र आवश्यकताको रुपमा विकास गर्दै लैजानु पर्नेमा जोड दिनुभयो ।
कार्यक्रममा विद्यालयका प्राचार्य मोहन पौडेलले स्वागत मन्तव्य व्यक्त गर्नुभएको थियो ।
उद्घाटन कार्यक्रममा नेपाल पुलिस स्कुल साँगाका विद्यार्थीहरुले नृत्य प्रस्तुत गर्नुकासाथै प्रतियोगितामा सहभागी विद्यालयका विद्यार्थीहरुले मार्च पास गरेका थिए ।
प्रतियोगिता अन्तर्गत आज भएको उद्घागटन खेलमा नेपाल पुलिस स्कुल साँगाको ए टीमले काठमाडौं युनिभर्सिटी हाईस्कुल धुलिखेललाई ५ का विरूद्ध ० गोल अन्तरले पराजित गरेको छ ।
आजै भएको दोस्रो खेलमा बेलर स्कुल बनेपा र ग्रेसल्याड स्कुल साँगाले १-१ गोलको बराबरि खेलेका छन्। प्रतियोगितामा नेपाल पुलिस स्कुल साँगाका ए र बि टीम, नेपाल पुलिस स्कुल धरान र सामाखुसी, सैनिक आवासीय माध्यामिक विद्यालय, सशस्त्र प्रहरी विद्यालय लगायत काठमाडौं, भक्तपुर, ललितपुर र काभ्रेका गरी जम्मा १६ विद्यालयका १७ टीमको सहभागिता रहेको छ ।
